Владимир Виссарион-иԥа Киут

31.07.2019

   Аԥсны Аҳәынҭқарра Аҵареи Аҭҵаарадырреи рминистрра гәалсра дула ирыдышшылоит, зыԥсҭазаара иалҵыз Аԥсны зҽаԥсазтәыз арҵаҩы Владимир Виссарион-иԥа Киут.

   Владимир Виссарион-иԥа диит 1932 ш. Очамчыра араион Кындыӷ ақыҭан. Абжьаратә школ даналга аррамаҵура дахысуеит. Убри даналга 1955 шықәсазы дҭалоит Аҟәатәи апединститут, аҭоурых азанааҭ ала, дагьалгоит 1960 шықәсазы. Иара убри ашықәс азы далагоит аҵара аҟәша аиҳабыси, аҭоурых рҵаҩыси ҿыц иаатыз иара убри ашықәс азы Аҟәатәи ашкол-интернат аҿы. Иааиԥмырҟьаӡакәа аус иуан 1992 шықәсанӡа. Дарӷьажәҩаны дивагылан усҟантәи аамҭазы ашкол анапхгаҩы Ачба Леила Николаи-иԥҳа.

Ари зҭоурых ҵаулоу, аҵараиурҭа иагәыцәны иҟаз арҵаҩнагақәа дыруаӡәкуп Владимир Виссарион-иԥа Киут. Аиааиреи, аҟәыӷареи, ауаҩреи, аҳра ахьыруаз ари ахыбраҿ, еиҵарааӡаз аҿар, аҩын ду ааӡамҭацәа даҽаӡәы иламҩашьо рыҟазаара зыбзоуроу ҳаҭыр ду зқәу арҵаҩцәа хатәрақәа роуп, Владимир Виссарион-иԥа Киут дызхагылаз.

Аҿар рааӡараҿы илагала ду азы ихҵан “Аԥсны зҽаԥсазтәыз арҵаҩы” ҳәа ахьӡ ҳаракы, ианашьоуп амедаль “Аџьа аветеран”, аҳаҭыртә шәҟәқәа рацәаны.

Аԥсуа ҳәынҭқарратә лицеи-интернат аҿы, арҵаҩцәа ҟазацәа ишьҭарҵаз ауасхыр, иахьа уажәраанӡа еихаҳан ԥхьаҟа иргоит арҵаҩцәа-ҿарацәа. Ари аҵараиурҭа ԥхынҷкәын 5, 2020 шықәсазы иахыҵуеит 60 шықәса. Арҵаҩратә еилазаареи ашкол анаԥхгареи ргәы иалоуп ашьаҭаркыҩцәа, аиҽкааҩцәа бзиақәа ахьҳагхо.

Владимир Виссарион-иԥа наӡаӡа ҳгәалашәараҿы даан

хоит.