Ишәыдысныҳәалоит ааҧын ныҳәа ссир

07.03.2019

 

Акыр иаҧсоу аҳәса!

Гәык-ҧсыкала ишәыдысныҳәалоит ааҧын ныҳәа ссир – Хәажәкырамза 8!

 Жәытәнатә аахыс шәара ахәышҭаара еиқәырханы иаажәгоит, ааӡара аус шәнапы алакуп, қәҿиарала аус жәуеит, убри аан есқьынгьы шәара ишәыцуп аҿареи аҧшӡареи. Аҧснытәи аҭоурых аҿы аҳәса иеиуеиҧшым аамҭақәа раан ҳауаажәларра шьаҟа ҕәҕәаны ирыҵагылан. 1992-1993 шш. Аҧсны Аџьынџьтәылатә еибашьраҿы шәара ачҳареи агәаҕьреи аашәырҧшит. Аҵеицәа гәымшәақәа зааӡаз

Аҧсны анацәа ирыбзоураны ҳара ҳтәыла аҧеиҧш бзиа агәра го ари арыцхә ду азгәаҳҭоит. Иналкаан иҭабуп ҳәа расҳәоит ҳарҵаҩцәа-гәымшәақәа зкалам насҭха инышьҭаҵаны ҳаибашьцәа рыхәрақәа ҿаҳәо амцашыра иалсны, иахьа аҿар реиҵааӡара знапы алаку зегьы. Рҿаҧхьа схырхәоит аибашьцәа-афырхацәа, Аҧсадгьыл апатриотцәа иашақәа зааӡаз анацәа. Акыр иаҳзаҧсоу ҳанацәа, ҳаҳәшьцәа, ҳҭыҧҳацәа. Шәара шәахьҳадгылоу, ҳааигәа шәахьыҟоу ҳара ҳзы гәадуроуп, ҳажәлар рыхьӡала аус бзиақәа ҳгәы рызҭашәҵоит.

Шәыгәҭакы бзиақәа шәрыхьӡааит, насыҧла иҭәызааит шәымшқәа зегьы. Гәык-ҧсыкала ишәзеиҕьасшьоит агәабзиара, аҿара, аҧшӡара, ҩнаҭацыҧхьаӡа иагымзааит аҧхарра, аҳәоуеиқәшәара, анасыҧ. Наӡаӡа аԥшӡара шәыгымхааит!

Аҵареи аҭҵарадырреи рминистр                 А.П. Какоба