Алицеи-интернат аҵаҩцәа рзы амастер-класс

20.12.2018

Ԥхынҷкәынмза 20, 2018ш. Аԥсны Аҳәынҭқарра Аҵареи аҭҵарадырреи аминистрра апресс-маҵзура.©

Аԥсны Аҳәынҭқарра Аҵареи аҭҵаарадырреи аминистрреи аклуб «Афырхы» алахәылацәеи Аҟәатәи алицеи-интернат аҵаҩцәа рзы имҩаԥыргеит ахыци ахәымпали иазкыз амастер-класс.

Ахәыҷқәа идырбан еиуеиԥшмыз ахыци ахәымпали, иара убас ирзеиҭаҳәан уи аҟаҵашьеи, излырхуеи.

Батал Джопуа, иара убас дазааҭгылеит аԥсуа ихыци ихәымпали аҭоурых, уи аныҟәгашьеи.

Аҵыхәтәаны агәахәара змаз аиҳабыратә классқәа рҵаҩцәа ацәҟьа икыдыз еихсыртә алшара рыман.